မအလဟာ မြန်မာစစ်တပ် တခုပဲ ကိုးကွယ်နေတဲ့ ၂၀၀၈ ခြေဥကို ထပ်မံ ချိုးဖောက်လိုက်ပြန်ပြီ။

မအလဟာ မြန်မာစစ်တပ် တခုပဲ ကိုးကွယ်နေတဲ့ ၂၀၀၈ ခြေဥကို ထပ်မံ ချိုးဖောက်လိုက်ပြန်ပြီ။

၂၀၂၁ ဩဂတ် ၁ ရက်နေ့တုန်းက .. မအလဟာ ၂၀၀၈ ခြေ/ဥ မှာ

အရေးပေါ်ကာလဆိုတာ #အကန့်အသတ်ရှိကြောင်း။

အရေးပေါ်ကာလ ၁ နှစ်အတွင်းမှာ တာဝန်တွေကို ပြီးမြောက်အောင် ဆောင်ရွက်နိုင်ခြင်းမရှိသေးရင် နောက်ထပ် ခြောက်လ #နှစ်ကြိမ်သာ တိုးမြှင့်နိုင်ကြောင်း။

၂၀၂၃ ဩဂုတ် မှာ ရွေးကောက်ပွဲ ကျင်းပမှာ ဖြစ်ကြောင်း

ကမ္ဘာနဲ့ နိုင်ငံကို ကတိတွေပေးခဲ့တယ်။

ဗီဒီယိုဖိုင် သက်သေ https://www.facebook.com/100089464140526/videos/295155492998330/

အဲဒီ ကတိစကားပြောပြီး အရေးပေါ်ကာလကို .. ဥပဒေမဲ့ နောက်ထပ် ၆ လ ၂ကြိမ် တိုးလိုက်ပြန်တယ်။ rule of law ဥပဒေက အုပ်ချုပ်ခြင်း ကို မလိုက်နာတဲ့ နောက်ထပ် သာဓက တခုပါ။

မင်းမှာ သစ္စာ၊ လူမှာ ကတိ ဆိုစကားရှိပါတယ်။ မအလဟာ မင်းလည်း မဟုတ်၊ လူလည်း မဟုတ်တဲ့အတွက် သူတို့ ရေးပြီး သူတို့ဖောက်ဖျက်နေတဲ့ ၂၀၀၈ ခြေဥ ကို (၉ ကြိမ်မြောက်) ဥပဒေချိုးဖောက်လိုက်ပြန်ပြီ။

. တိုင်းရင်းသား ပါတီ/ လက်နက်ကိုင်တွေအနေနဲ့ အဲဒီလို သစ္စာမရှိ၊ ကတိမတည်တဲ့ အဖွဲ့အစည်းနဲ့ သဘောတူညီချက်တွေ ယူနေကြတာ ပုလင်းတူ ဗူးစို့တွေမို့လို့လား မေးရပါတော့မယ်။

မအလတပ်ဟာ "သာမန်အားဖြင့် " ဆိုတဲ့ စကားရပ်ကို နင်းပြီး နောက်ထပ် ၆ လ သက်တမ်းတိုး တယ်။ " ငါရှင်ဘုရင် ဘယ်နှစ်ပတ်ပတ် "ဆိုတဲ့ ဇာတ်ထဲက ဟာသလို လုပ်ခြင်းကို အေးမောင် တို့ ကိုကိုကြီးတို့က ရေလာမြောင်းပေး ပြောတယ်။ rule of law ရှု့ထောင့်က ကြည့်ရင် မအလဟာ ဥပဒေကို လက်တလုံးခြား ချိုးဖောက်နေတာ ဖြစ်တယ်။

မအလတပ်ဟာ ဥပဒေကို စက္ကူစုတ်ပမာ သဘောထားနေတာကို ပါးနပ်တဲ့ EAO တွေက သိကြတယ်။ ဒီလို အဖွဲ့အစည်းမျိုးနဲ့ စာရွက်ပေါ်မှာ သဘောတူညီချက်တွေ ဘယ်လောက်ပဲ ချရေးရေး ၊ နောက်ဆုံး ကုန်ကုန်ပြောရရင် ဖက်ဒရယ်ခြေဥကို မအလတပ်က ရေးပြီး ချပြဦးတော့ ကတိသစ္စာ မရှိတဲ့ အဖွဲ့အစည်းတခုရဲ့ စာချုပ်တွေ ဥပဒေတွေဟာ စက္ကုစုတ်ပဲ ဆိုတာ သိကြလိမ့်မယ်။ မအလတပ်ဟာ ယုံကြည်စိတ်ချရခြင်း လုံးဝမရှိတဲ့ ဥပဒေမဲ့ တရားမဲ့ black list ဖြစ်တယ်

===================

၂၀၂၃ ခုနှစ် ဩဂုတ်လထိ (၂) နှစ်အချိန်ယူကာ ရွေးကောက်ပွဲသစ်ကို ပြန်လည်ကျင်းပပေးမည်ဟု ကတိပြုကြောင်း မင်းအောင်လှိုင်က ပြောကြားခဲ့ ။

===================

“ဖွဲ့စည်းပုံအခြေခံဥပဒေ မှာလည်း အရေးပေါ်ကာလဆိုတာ #အကန့်အသတ်ရှိပါတယ်။

ပုဒ်မ ၄၂၁၊ ပုဒ်မခွဲ(ခ)အရ အရေးပေါ်ကာလ ၁ နှစ်အတွင်းမှာ တာဝန်တွေကို ပြီးမြောက်အောင် ဆောင်ရွက်နိုင်ခြင်းမရှိသေးရင် နောက်ထပ် ခြောက်လ #နှစ်ကြိမ်သာ တိုးမြှင့်နိုင်ပါတယ်။

ဒီကာလအတွင်းမှာ ကျွန်တော်တို့အနေနဲ့ လုပ်ဆောင်သင့်၊ လုပ်ဆောင်ထိုက်တာတွေကို ပြီးစီးအောင် ဆောင်ရွက် သွားရမှာဖြစ်ပါတယ်။

ပြီးရင် ဥပဒေအရ ရွေးကောက်ပွဲအတွက်ပြင်ဆင်ချိန် ၆ လ ပေးပြီး ဆောင်ရွက်ရပါမယ်။ ဒီကာလများကိုတွက်ကြည့်ရင် လုပ်ငန်းရပ်အားလုံးဟာ ၂၀၂၃ ခုနှစ် ဩဂုတ်လအတွင်း ပြီးစီးရမယ်ဆိုတာ ပါပဲ”

“ဒီလုပ်ငန်းစဉ်အတွက် ကျွန်တော်တို့ဟာ လွတ်လပ်တရားမျှတတဲ့ ပါတီစုံဒီမိုကရေစီအထွေထွေ ရွေးကောက်ပွဲကျင်းပနိုင်ဖို့ အခြေအနေတွေ ဖန်တီးပေးရပါမယ်။

ကြိုတင် ပြင်ဆင်မှုတွေ ဆောင်ရွက်ကြရပါမယ်။ ပါတီစုံဒီမိုကရေစီအထွေထွေ ရွေးကောက်ပွဲကို မဖြစ်မနေလုပ်မယ်ဆိုတာ ကတိပြုပါတယ်”

... ဟု မင်းအောင်လှိုင်က ဆိုသည်။

မအလ စစ်တပ် ၂၀၀၈ ခြေဥ ချိုးဖောက်သော မှတ်တမ်းများ

======================================

UEC - ပြည်ထောင်စုရွေးကောက်ပွဲကော်မရှင်၏ ဆုံးဖြတ်ချက်နှင့် ဆောင်ရွက်ချက်များသည် အပြီးအပြတ်အတည်ဖြစ်စေရမည်- ပုဒ်မ ၄၀၂။ မအလက ဖျက်သိမ်း / ဖမ်းဆီးတယ်။

မြင့်ဆွေဟာ ယာယီ သမ္မတ ဖြစ်တယ်။ ယာယီ သမ္မတ သက်တမ်းဟာ (၂၁) ရက်ပဲရှိတယ် - ပုဒ်မ ၇၃(င) ။ အခု (၂) နှစ် ဖြစ်နေပြီ။ သက်တမ်းလွန်သွားတဲ့အတွက် မြင့်ဆွေဟာ ယာယီ သမ္မတ မဟုတ်တော့ဘူး။

မြင့်ဆွေဟာ ဒု-သမ္မတ ဖြစ်တယ်။ ဒု-သမ္မတဟာ အရေးပေါ်အခြေအနေ ကြေညာခွင့် မရှိဘူး ၊ ထပ်တိုးခွင့်လဲ မရှိဘူး - ပုဒ်မ ၄၁၇။

ကာ/ လုံကို နိုင်ငံတော် သမ္မတက ဦးဆောင်ပြီး ကျင်းပရမယ် - ပုဒ်မ ၂၀၁ ။ မြင့်ဆွေဟာ ဒု-သမ္မတ ဖြစ်လို့ ကာ/လုံ ခေါ်ခွင့် မရှိဘူး။ မြင့်ဆွေ ကာ/လုံဟာ တရားမဝင်ဘူး။

နိုင်ငံတော် သမ္မတကို ပြည်ထောင်စု လွှတ်တော်ကပဲ ဖြုတ်ချခွင့် ရှိတယ် - ပုဒ်မ ၇၁။ ဖမ်ဆီးးခွင့်မရှိဘူး - ပုဒ်မ ၂၁၅ ။ ဒါကြောင့် အကျဉ်းချထားတဲ့ ဦးဝင်းမြင့် တဦးထဲပဲ ကာ/လုံ ခေါ်ခွင့်ရှိတယ်။

နိုင်ငံတော် သမ္မတက ရွေးကောက်ပွဲ ကော်မရှင်ကို ခန့်အပ်ရတယ် - ပုဒ်မ ၃၉၈(က) ။ မအလ ဟာ ရွေးကောက်ပွဲ ကော်မရှင် ဥက္ကဌသစ် သိန်းစိုးကို ခန့်အပ်တာ တရားမဝင်ဘူး။ မအလ နဲ့ သိန်းစိုး ထုတ်ပြန်တဲ့ ဥပဒေ၊ ကျင်းပမယ့် ရွေးကောက်ပွဲဟာလည်း တရားမဝင်ဘူး

UEC ဥက္ကဌ ဗခ ဟောင်း တင်အေး ကျင်းပပြီး စစ်တပ်က လက်ခံခဲ့တဲ့ ၂၀၁၅ ရွေးကောက်ပွဲရလာဒ်အရ တည်ထောင်ထားတဲ့ အစိုးရကို ဖြုတ်ချတဲ့အတွက် နိုင်ငံတော်ပုန်ကန်မှု မြောက်တယ် - ရာဇသတ်ကြီး ပုဒ်မ ၁၂၁ (ဃ)

အရေးပေါ်ကာလ ၁ နှစ်အပြီးမှာ - ထပ်တိုး ၆ လ × ၂ ကြိမ်ပဲ လုပ်ခွင့် ရှိတယ်။ မအလက ၆ လ × ၄ ကြိမ် ထပ်တိုးပြီး အာဏာယူထားတယ်။ - ပုဒ်မ ၄၂၁/၄၂၅