NUG က LDF နဲ့ PDF ပေါင်းစပ်မယ့် ၃ ရင်းတဗျူဟာ အစီအစဉ်

NUG က LDF နဲ့ PDF ပေါင်းစပ်မယ့် ၃ ရင်းတဗျူဟာ အစီအစဉ်

၂၀၂၃ ဩဂုတ်လ မတိုင်ခင်အထိက NUG မှာ LDF တွေကို PDF တပ်ရင်းအဖြစ် ပါဝင်ဖို့ အဆင့်ဆင့် စိစစ်ရတယ်။ ရုပ်ပိုင်းစိတ်ပိုင်း ကြံ့ခိုင်ပြီး စစ်မှုထမ်းပီသဖို့ လေ့ကျင့်ရေးအတွက် ဦးစားပေးပုံရတယ်။ လူတိုင်း လက်နက်စေ့ မတပ်ဆင်ပေးနိုင်၊ ရိက္ခာ မပေးနိုင်တဲ့အတွက် LDF တွေကို သိမ်းသွင်းဖို့ ကြန့်ကြာနေတယ်။

ဒီလို သမားရိုးကျ လုပ်နေတဲ့အတွက် LDF တွေဟာ NUG MOD နဲ့ မချိတ်မိတာ နှစ်ပေါက်အောင် ကြာနေပါတယ်။ NUG MODဟာ ဗနဂရဲ့ တပ်ရင်းတချို့ကို PDF အဖြစ် လက်ခံပြီး ထောက်ပံ့ကြေးရလာတယ်။

ဒါပေမယ့် ၂၀၂၃ ဩဂုတ်လမှာ NUG က COC တည်တဆောက်ရေးမှာ အစီအစဉ်အသစ်တခု ချပြလာတယ်။

LDF တွေကို လက်နက်နဲ့ ရိက္ခာ တာဝန်မယူ၊ ဒါပေမယ့် PDF တပ်ရင်းတွေနဲ့ ပူးပေါင်းပြီး ၃ ရင်း တဗျူဟာ ဖွဲ့မယ်။ နမူနာပြ ရရင် KNLA နဲ့ PDF ပူးပေါင်း စစ်ကြောင်း တွေ ဖွဲ့စည်းတဲ့ ပုံစံပါ.. PDF တွေအတွက် လက်နက် ရိက္ခာကို KNLA က တာဝန်မယူ၊ စစ်ဆင်ရေး ပူးတွဲလုပ်တယ်။

NUG MOD ရဲ့ ( LDF + PDF ၃ ရင်းတဗျူဟာ ) အတိုင်းသာ ဆိုရင် MRDA ဟာ မိမိဘာသာ လက်နက်ရိက္ခာ ရှာပြီး COC မှာ NUG-KIA C3C ၏ COC အောက်မှာ ဗျူဟာစစ်ကြောင်းတွေထဲ ပါဝင်ရပါမယ်။

ဗနဂ ဟာ NUG ထက် လက်သွက်ပါတယ်။ LDF တွေကို လက်နက်ပေးမယ် ဆိုပြီး BNRA တပ်အသစ်မှာ ဆွဲစိလိုက်တာပါ။

ပြီးတော့ အသံကောင်းဟစ်ပါတယ်။ ရုံအပြင်မှာ ပွဲမကြည့်ရလို့ ကျန်ရစ်တဲ့ ကလေးတွေကို စုပြီး ဇာတ်ထောင်တာပါတဲ့။ တကယ်က ဘယ်ကလေးမဆို ပွဲကြည့်ရအောင် NUG က ရုံဖွင့်နေတာ ပါ။

NUG ဘက်ကလည်း ဖျင်းပါတယ်။ ဒီအစီအစဉ်ကို လူထု သိအောင် ကျယ်ကျယ်ပြန့်ပြန့် မလုပ်တတ်ပါ။

NUG ဝါဒဖြန့် ယန္တရားဟာ ခေါက်ရိုးကျိုးနေတဲ့ MRTV ပုံစံ ဖြစ်နေတယ်။ Informal ဝါဒဖြန့်တာ မလုပ်တတ်ပါ။ စောင့်စည်းရမယ့် အချက်တွေများတဲ့အခါ formal ဝါဒဖြန့်နည်းဟာ အလုပ်မဖြစ်ပါ

အမျိုးသားညီညွတ်ရေးအစိုးရ ကာကွယ်ရေးဝန်ကြီးက PDF များနဲ့ LDF များ စုစည်းပြီး " ၃ ရင်း ၁ ဗျူဟာ " ဖွဲ့စည်းနေသည့်အတွက် LDF များ ပါဝင်ရန် ဖိတ်ခေါ်နေပါတယ်။

ဗျူဟာများသည် -

chain of command ကွပ်ကဲရေးတခုအောက်မှာ ရှိရမည်။

code of conduct စစ်စည်းကမ်း ကို လိုက်နာရပါမည်။

ဒေသစွဲ မရှိပဲ မြန်မာနိုင်ငံ ဒေသမရွေး စစ်ဆင်ရေး ပြုလုပ်နိုင်ရမည်။

one command one strategy တခုထည်းသော ကွပ်ကဲမှု၊ တခုထည်းသော မဟာဗျူဟာ တွင် ပါဝင်နိုင်ရမည် - ဟု

မြန်မာနိုင်ငံ၏ ပဉ္စမ မြောက် အရပ်သား ကာကွယ်ရေးဝန်ကြီး ဦးရည်မွန်က လမ်းညွှန်မိန့်ကြားပါတယ်။

မကြာမီ စစ်သည်ဗိုလ်ပါ ထုနဲ့ ထည်နဲ့ ထိုးစစ်ကြီး စတင်တော့မည်ဖြစ်လို့ LDF တွေ ပါဝင်ကြဖို့ ပြည်သူအပေါင်းက မေတ္တာရပ်ခံလိုက်ပါတယ်။

ဗီဒီယို လင့်ခ်

https://www.facebook.com/watch/?v=3314228062201249

အစဉ်အဆက် အရပ်သား ကာကွယ်ရေး ဝန်ကြီးများမှာ ဦးနု ( ၁၄-၉-၄၈ မှ ၃-၄-၄၉)၊ ဦးဝင်း ( ၁၈-၉-၅၀ မှ ၁၅-၃-၅၂) ၊ ဦးဗဆွေ ( ၁၆-၃-၅၂ မှ ၄-၆-၅၈) ၊ ဦးနု ( ၁၆-၃-၆၀ မှ ၂-၃-၆၂) ၊ ဦးရည်မွန် ( ၁၆-၄-၂၀၂၁ မှ လက်ရှိအချိန်အထိ ဖြစ်ပါတယ်။