NCA အကြောင်း ပြောရင် စာချုပ် .. စာချုပ် .. နဲ့ ဒီစာရွက်အကြောင်းပဲ ပြောကြတယ်။ စာချုပ်တခုရဲ့ " ယုံကြည်မှု" အကြောင်း မစဉ်းစားကြဘူး။ ဒါကြောင့် မြန်မာ့နိုင်ငံရေးမှာ အလိမ်ခံနေကြတာရတာဟာ ဘယ်တော့မှ ရပ်တန့်မှာ မဟုတ်ဘူး။ ▪️ NCA စာချုပ်မှာ အရပ်သားတွေအပေါ် ထားရှိရမယ့် စည်းကမ်း ပုဒ်မ တွေကို တပ်မတော်က ပြောင်ပြောင်တင်းတင်း ချိုးဖောက်တယ်။ NCA စာချုပ် ပုဒ်မ (၉) 👇 ဒီလို ချိုးဖောက်ရင် အရေးယူမယ့် ဥပဒေစိုးမိုးရေး ယန္တရား တရပ် NCA မှာ မရှိဘူး။ ဥပဒေစိုးမိုးရေး ယန္တရား မရှိတဲ့အတွက် .. နောက်တနည်းက .. စာချုပ်ပ်ကို လက်မှတ်ထိုးတဲ့ အဖွဲ့ဝင်တွေက ကန့်ကွက်ရမယ်။ သပိတ်မှောက်ရမယ်။ ဆန့်ကျင်ရမယ်။ စုပေါင်း အရေးယူရေး ဆောင်ရွက်ရမယ်။ NCA အဖွဲ့ဝင်တွေဟာ ဒီဝတ္တရား ပျက်ကွက်နေတယ်။ စာချုပ်တွေ ဥပဒေ တွေ တဆာဆာ အော်ပေမယ့် အခြေခံ ကျင့်ဝတ်ဖြစ်တဲ့ Rule of Law ကို ကကြီးခခွေးတောင် မသိပဲ ၊ အကျိုးစီးပွား ပေသီးခေါက်နေကြတယ် ▪️ အဖွဲ့အစည်း အချင်းချင်း ချုပ်ဆိုတဲ့ စာချူပ်တခု ဖြစ်စေ ၊ ပြည်သူနဲ့ အစိုးရ ကြား ချုပ်ဆိုတဲ့ စာချူပ် ( အခြေခံဥပဒေ) ဖြစ်စေ၊ နိုင်ငံအချင်းချင်း ချုပ်ဆိုတဲ့ ငြိမ်းချမ်းရေး စာချူပ် ဖြစ်စေ ( ဥပမာ ဗာဆိုင်းစာချူပ်) ... တဖက...

EAO တွေ ရွေးရမယ့် လမ်း (13 May 2023) တလောက TNLA က လက်ဖက် လုပ်ငန်း တိုးတက်စေဖို့ အခွန်ကင်းလွတ်ပေးမယ်၊ လက်ဖက်ကို တိုးချဲ့ စိုက်ပျိုးကြကြဖို့ သတင်း ဖတ်ရတယ်။ နောက်သတင်း တပုဒ်က UWSA နယ်မြေမှာ သံဖြူ အထွက်နုန်းကျဆင်းလာပြီး အနာဂတ်အလားအလာ မကောင်းဘူး ဖတ်ရတယ်။ ဘိန်း၊ မူးယစ်ဆေးကို မှီခိုနေရတဲ့ ဒေသတွေဟာ သံယံဇာတ တူးဖော်ရေးကို မှီခိုလာရတယ်။ ငွေဖြစ်လွယ်မယ့် နောက်တနည်းက လောင်းကစားဝိုင်းတွေ ပဲ။ တရုပ်နယ်စပ်က EAO တွေသာမက ထိုင်းနယ်စပ်အထိ လောင်းကစားမြို့ တည်လာတယ်။ ဒါတွေဟာ မိမိလူမျိုး ဂုဏ်သိက္ခာ၊ အကျင့်စာရိတ္တ ကို ဖျက်ဆီးရုံသာမက တော်လှန်ရေး ကိုပါ ဆွဲချ အညွန့်ချိုးလိုက်တာပဲ။ အခုဆိုရင် ပါးစပ်က မဟာလူမျိုးကြီးဝါဒ ဆန့်ကျင်ကြအော်ပြီး တကယ့် ဘဝမှန်က ဒုစရိုက်သမားတွေ ဖြစ်နေကြရတယ်။ သံယံဇာတ ဈေးကွက်ကလည်း တရုတ်ကလွဲရင် ဝယ်မယ့်သူ မရှိ၊ ဒီတော့ ဈေးနှိမ်ခံရတယ်။ များများထုတ်ရောင်းရတယ်။ မြန်မြန် ကုန်တယ်။ ရှေ့လာမယ့် ကာလတွေဟာ သံယံဇာတ ခန်းခြောက်မယ်၊ ရာသီဥတု ဖောက်ပြန်မယ်။ မူးယစ်ဆေးနဲ့ လောင်းကစားဝိုင်းတွေကလည်း တရုတ်၊ ထိုင်း အစိုးရပေါ်လစီတွေက ကြပ်လာပြီ။ လူငယ်လူလတ်တွေဟာ စစ်သား လုပ်နေရတော့ စိုက်ပျိုးကုန်ထုတ်မယ့် စွမ်းအားထု မရှိ၊ တင်ကြွေ...

  ပြည်နယ်အသစ်နဲ့ ၂၀၀၈ | ရဲထွဋ် | ငြိမ်းချမ်းရေးဆွေးနွေးပွဲတွေနဲ့ပတ်သက်ပြီး ပြောဆိုဆွေးနွေးကြတဲ့အခါ ၀ ပြည်နယ် ဖွဲ့စည်းရေး ကိစ္စ အကြောင်းလည်း ပါလာတယ်။ တကယ်တော့ ၀ တိုင်းရင်းသားတွေသာမဟုတ်ဘူး။ အနာဂတ်မှာ ပြည်နယ် မရသေးတဲ့ အခြား တိုင်းရင်းသားတွေကလည်း ပြည်နယ်အဆင့် တောင်းဆို တာတွေလည်း ရှိလာနိုင်တာပဲ။ ပြည်နယ်အသစ်ဖွဲ့စည်းရေးလို့ ပြောတဲ့အခါ ဘယ်တိုင်းရင်းသားတွေက ပြည်နယ် ရသင့်တယ်၊မရ သင့်ဘူးဆိုတာ မပြောခင် လက်ရှိအချိန်မှာ အတည်ဖြစ်နေဆဲ ၂၀၀၈ အခြေခံဥပဒေမှာ ပြည်နယ် အသစ် ဖွဲ့စည်း ရေးနဲ့ ပတ်သက်ပြီး ဘယ်လို ပြဋ္ဌာန်းချက်တွေရှိသလဲ၊ဘယ်သူ တွေက ပြည်နယ် အသစ်ဖွဲ့စည်းရေးကို ဆုံးဖြတ်ခွင့်ရှိသလဲဆိုတာ အရင်သိထားသင့်တယ်လို့ ထင် ပါတယ်။ ၂၀၀၈ အခြေခံဥပဒေရဲ့ တိုင်းဒေသကြီး ၊ ပြည်နယ်ဖွဲ့စည်းမှုက ၁၉ ၇၄ အခြေခံဥပဒေပါ သတ်မှတ် ချက်အတိုင်းပဲဖြစ်ပါတယ်။ ဒါ့ကြောင့် ၂၀၀၈ အခြေခံဥပဒေ ပုဒ်မ ၉ မှာ ရှိရင်းစွဲတိုင်း(၇) တိုင်းကို တိုင်း ဒေသကြီး (၇) ခု၊ ရှိရင်းစွဲ ပြည်နယ်(၇) ခုကို ပြည်နယ် (၇) ခုအဖြစ် ဖွဲ့စည်းမယ်၊ တိုင်းဒေသ ကြီး နဲ့ ပြည်နယ်တွေဟာ အဆင့်အတန်းတူညီတယ်၊ တိုင်းဒေသကြီးနဲ့ ပြည်နယ်အမည်တွေကို လက်ရှိအတိုင်းထားမယ် လို့ ပြဋ္ဌာန်းထားတယ်။ ပုဒ...